Тыдзень
беларускай мовы і літаратуры
Місія настаўнікаў беларускай мовы і літаратуры вельмі адказная. Іх задача – не толькі вучыць дзяцей быць граматнымі, але і выхоўваць маладых беларусаў патрыётамі сваёй Радзімы, знаёміць з традыцыямі продкаў, прывіваць любоў да сваіх каранёў, да мовы, да культуры. Таму вялікую ўвагу ў гімназіі ўдзяляюць арганізацыі пазакласнай работы.
З 19 па 23 лютага ў сценах нашай навучальнай установы праходзіць Тыдзень беларускай мовы і літаратуры. Гімназісты стануць ўдзельнікамі цікавых і змястоўных мерапрыемстваў.
Мэта: фарміраванне ў гімназістаў станоўчай матывавацыі да вывучэння беларускай мовы і літаратуры.
Задачы: максімальнае далучэнне вучняў да актыўнай дэманстрацыі сваіх дасягненняў па беларускай мове і літаратуры;
- выкарыстанне актыўных формаў дэманстрацыі ведаў, уменняў і навыкаў вучняў;
- выхаванне пачуцця павагі да традыцый свайго народа, любові да роднага слова;
- раскрыццё творчага патэнцыялу настаўнікаў беларускай мовы і літаратуры,
- развіццё іх прафесійнай культуры.
План
правядзення Тыдня
беларускай мовы і літаратуры
(19.02.2018 г. – 23.02.2018 г.)
№
п/п
|
Мерапрыемства
|
Катэгорыя ўдзельнікаў
|
Адказныя
|
Час і месца правядзення
|
|
Адкрыццё тыдня.
Інфармацыйная хвіліна
“Ды калі ты не бязродны сын, гавары са мной па-беларуску”.
Выстава газет, прысвечаных пісьменнікам-юбілярам
|
5-11 класы
|
Пацукевіч І.М.
Вучні 9,11 класаў
Швед Н.У.
|
19.02
1,2-і ўрокі
Рэакрэацыя 3-яга паверха
|
|
Урок ”Зваротак. Развітыя і неразвітыя звароткі. Знакі прыпынку пры зваротках”
|
8 “А” клас
|
Стругальская Н.М.
|
19.02
|
|
Квэст “Зямля пад белымі крыламі”
|
6-ыя класы
|
Васільчанка М.А.
Усе настаўнікі бел. мовы
|
20.02
На працягу дня
|
|
Гульня-віктарына
“Паўтараем, на роднай мове размаўляем”
|
6”А” клас
|
Стругальская Н.М.
|
20.02
6 урок
Каб. 11
|
|
Наведванне выязной экспазіцыі Баранавіцка-
га краязнаўчага музея:
“Баранавічы—старонкі гісторыі: ад старажытнасці да сучаснасці”
|
4-11-ыя класы
|
Пацукевіч І.М.
Усе настаўнікі
бел. мовы
|
20.02-21.02
Актавая зала
|
|
Алімпійскія гульні
“Ведай роднае слова”
|
9 “А”клас клас
|
Пацукевіч І.М.
|
22.02
7 урок
Каб.31
|
7.
|
Конкурс юных чытальнікаў
“Магутнае слова, ты роднае слова…”
|
6 -7-ыя класы
|
Пацукевіч І.М.
Стругальская Н.М.
|
22.02
3-і ўрок
Актавая зала
|
|
Літаратурна-музычная кампазіцыя “Гімн роднай мове”
Тэлегазета “Чытаем творы беларускіх аўтараў”
|
9 ”Б” клас
9 ”А” клас
|
Салаўёва Т.Г.
Пацукевіч І.М.
|
22.02
8 урок
Каб.11
2-і паверх
|
|
Закрыццё тыдня беларускай мовы і літаратуры.
“Беларускі кірмаш”
Падвядзенне вынікаў тыдня
|
10-ыя класы
|
Швед Н.У.
Каменка Г.У.
10-ыя класы
|
23.02
Вестыбюль гімназіі.
На працягу дня
|
Раніцай, 19 лютага , гімназія сустракала сваіх вучняў паведамленнем аб святкаванні Тыдня беларускай мовы і літаратуры, рэкламнымі буклетамі “Давайце размаўляць па-беларуску”, выставай газет, прысвечаных беларускім пісьменнікам.
Ужо на першым уроку 19 лютага вучні 9-ых, 11-ых класаў ва ўсіх паралелях сярэдняга і старэйшага звяна гімназіі правялі інфармацыйныя хвілінкі пра ролю беларускага слова ў жыцці грамадства.
У гэты ж дзень настаўніца вышэйшай катэгорыі Стругальская Ніна Мікалаеўна правяла адкрыты ўрок па беларускай мове ў 8 “А” класе па тэме “Зваротак. Развітыя і неразвітыя звароткі. Знакі прыпынку пры зваротках” .
20 лютага вучні 5-ых класаў былі ўдзельнікамі квэста “Зямля пад белымі крыламі”. На працягу дня на перапынках дзеці падарожнічалі па станцыях: ”Фальклорная “, “Літаратурная”, “Творчая”, “Гiстарычная”, “Мовазнаўчая” і з задавальненнем рашалі лінгвістычныя задачы, успаміналі літаратурных герояў, тлумачылі сэнс фразеалагізмаў. Арганізатарам гэтай займальнай гульні стала настаўніца беларускай мовы і літаратуры Васільчанка Марына Аляксандраўна. Дзеці праявілі веданне беларускай мовы, літаратуры, эрудыцыю і творчыя здольнасці. Пераможцам квэста стала каманда 5 ”Б” класа.
20-21 лютага вучні 4-11 класаў гімназіі сталі наведвальнікамі выязной экспазіцыі Баранавіцкага краязнаўчага музея “Баранавічы. Старонкі гісторыі: ад старажытнасці да сучаснасці”. Экспанаты выставы былі прадэманстраваны ў актавай зале гімназіі. Дзеці з цікавасцю слухалі экскурсавода, якая на беларускай мове знаёміла вучняў з важнымі фактамі з гісторыі стварэння і развіцця нашага горада.
21 лютага ў свеце адзначаецца міжнародны Дзень роднай мовы. Вучні 9 ”А” і 11 ”А” да гэтай даты падрыхтавалі відэагазету “Чытаем творы беларускіх аўтараў”, у якой пазнаёмілі гімназістаў з гісторыяй узнікнення свята міжнароднага Дня роднай мовы, прадэкламавалі вершы вядомых беларускіх аўтараў. На працягу дня відэагазета трансліравалася на перапынках па тэлевізары на другім паверсе старэйшага блока гімназіі.
22 лютага ў 9 ”Б” класе адбылася літаратурна-музычная кампазіцыя “Гімн роднай мове”. Мерапыемства распрацавала і правяла разам з вучнямі настаўніца беларускай мовы і літаратуры Салаўёва Таццяна Генадзьеўна. Дзеці чыталі творы пра родную мову, удзельнічалі ў віктарыне, слухалі беларускія народныя песні, былі гледачамі відэаролікаў пра Беларусь.
У гэты ж дзень вучні 9 “А” класа прынялі ўдзел у “Алімпійскіх гульнях: “Ведай роднае слова”. Настаўніца Пацукевіч Ірына Міхайлаўна з мэтай стварэння добразычлівай атмасферы ў час правядзення гульняў прапанавала вучням пачаць мерапрыемства з камплімента адзін аднаму. А затым вучні былі ўдзельнікамі конкурсаў: “Канструяванне слоў”, “Аматары беларускага фальклору”, “Пазнай фразеалагізм”, “Вам слова, юныя паэты”. Дзеці праявілі кемлівасць, знаходлівасць, веданне беларускай мовы і літаратуры, артыстызм.
23 лютага вучні 5-7-ых класаў сталі ўдзельнікамі конкурсу юных чытальнікаў “Магутнае слова, ты роднае слова”. Дзеці паспрабавалі свае сілы ў аратарскім майстэрстве. Усе ўдзельнікі прадэманстравалі добры густ, бездакорнае веданне тэксту, валоданне беларускай мовай, аратарскія здольнасці, артыстызм. Ацэньвала конкурс справядлівае журы, у склад якога ўваходзілі настаўнікі беларускай мовы і літаратуры Пацукевіч Ірына Міхайлаўна, Швед Наталля Уладзіміраўна, а таксама вучні старэйшых класаў. Пераможцы конкурсу былі ўзнагароджаны граматамі.
Заключным мерапрыемствам Тыдня беларускай мовы і літаратуры сталі ”Кірмашовыя забавы”, арганізатарамі якога сталі настаўнікі Швед Наталля Уладзіміраўна , Каменка Галіна Уладзіміраўна і вучні 10-ых класаў. 23 лютага з самай раніцы фае першага паверха гімназіі напоўнілася музыкай, танцамі , песнямі на беларускай мове, забавамі . Вядучыя святочнай праграмы былі апрануты ў нацыянальнае адзенне. У мерапрыемстве прымалі ўдзел вучні розных класаў. Дзеці адгадвалі загадкі, спявалі песні, танцавалі, частаваліся прысмакамі, прыгатаванымі вучнямі 10-ых класаў. Напрыканцы свята прагучала песенна-танцавальнае развітанне і заклік паважаць родную мову і часцей на ёй размаўляць, а таксама шанаваць беларускія традыцыі.
Вось так цікава і насычана прайшоў у гімназіі Тыдзень беларускай мовы і літаратуры. Нельга сумнявацца ў тым, што пастаўленыя мэты былі дасягнуты. Вучні з цікавасцю прымалі актыўны ўдзел у мерапрыемствах, дзяліліся сваімі ўражаннямі, рабілі для сябе новыя адкрыцці.